13 апр 18:25
Янгиликлар

Теннис

Monte-Carlo Masters. Медведев муваффақиятли старт олди

Теглар : Даниил Медведев Monte-Carlo Masters

Монте-Карлода теннис бўйича "Мастерс" сериясига кирувчи турнир бўлиб ўтмоқда.

Дунёнинг бешинчи ракеткаси Даниил Медведев нуфузли мусобақадаги иштирокини ғалаба билан бошлаб олди. Россиялик теннисчи иккинчи даврада ATP рейтингида 45-ўринни эгаллаб турган италиялик Лоренцо Сонегони 6/3, 6/2 ҳисобида мағлубиятга учратди.

Бир дақиқаси кам бир ярим соат давом этган баҳсда Медведев 2 та эйс, 4 та қўшхато ва 3 та брейк қайд этди. Бу теннисчиларнинг ўзаро ўтказган иккинчи учрашуви эди - 2:0. Даниил ушбу мавсумдаги 30-ғалабасини тантана қилди. Ушбу кўрсаткич бўйича у якка пешқадам бўлиб турибди.

Медведев Rolex Monte-Carlo Masters турнирининг учинчи босқичида германиялик Александр Зверевга қарши кортга чиқади.