Монте-Карло "Мастерс". Хачанов рус дербисида Медведевни мағлуб этди

ATP рейтингида 17-поғонада бораётган россиялик Карен Хачанов учинчи даврада ватандоши, дунёнинг тўртинчи ракеткаси Даниил Медведевни мағлуб этишни уддалади - 6/3, 7/5. Ҳамюртларнинг ўзаро учрашувларида ҳамон Даниил олдинда бормоқда - 5:2.

Бир соату 53 дақиқа давом этган баҳсда Хачанов 1, Медведев 5 та эйс зарбасини амалга оширган. Даниилга 8 та қўшхато қимматга тушди. Карен хатога умуман йўл қўймади. Брейклар сони бўйича устунлик ғолиб теннисчи томонда бўлди - 4 га 2.