14 апр 11:05
Янгиликлар
Теннис
Монте-Карло. Музетти Новак Жоковични мусобақадан чиқариб юборди
"Катта Дубулға" туркумига кирувчи турнирларнинг 22 карра чемпиони, жаҳоннинг биринчи ракеткаси Новак Жокович Монте-Карло (Монако)да ўтказилаётган "Мастерс" турнирининг чорак финалига чиқа олмади.
Сербиялик теннисчи "Мастерс"нинг учинчи босқичида АТР рейтингида 21-поғонани банд этиб турган италиялик Лоренцо Музеттига 6/4, 5/7, 4/6 ҳисобларида имкониятни бой бериб қўйди.
Теннисчилар кортда 2 соату 55 дақиқа ҳаракат қилишган. Музетти илк бор Жоковични мағлубиятга учратди. Спортчиларнинг ўзаро учрашувларидаги ҳисоб 3:1, Новак фойдасига бўлиб турибди.
Энди Музетти Rolex Monte-Carlo "Мастерс" мусобақасининг 1/4 финалида ҳамюрти Янник Синнерга қарши баҳс олиб боради.
Ҳавола :
Манба : gotennis.ru
Фикрлар