МОҚ бош котиби нима сабабдан байроқдор ўзгарганига изоҳ берди

"Оксана Чусовитинага байроқдор бўлиш таклифини шахсан ўзим берганман. Сабаби Рио Олимпиадасидаги иштирокидан кейин ўша ерда суҳбат қилганимизда “Агар кейинги Олимпиадага борадиган бўлсам мен парадга чиқар эдим, чунки шу вақтгача ҳеч қачон парадга чиқмаганман, мусобақа нима бўлишидан қатъий назар чиқиш ниятим бор”,- деган масалани қўйган эди.  Кейинги суҳбатимиз яқинда бўлди. Эсингизда бўлса чиқаман деган эдингиз режа қанақа десам “Йўқ режам бор ҳали ҳам, бу охирги Олимпиадам бўлса керак, шунинг учун очилиш маросимида чиқиш ниятим бор”,- деди. Ўша пайтда байроқдор бўлиш таклифини бердик. “Агар ишониб топширилса олиб чиқаман”,- деди. Ёнма-ён чиқадиган спортчилар бир-бирига яқинроқ бўлиши мақсадида БобоУсмон Батуров ҳамроҳ сифатида белгиланган эди. Кейинчалик мусобақалар жадвалига кўра, БобоУсмон Батуровни ҳам Оксана Чусовитинани ҳам иштироки очилиш маросимидан эртасига тўғри келадиган бўлди. Буни биз федерация раҳбарияти билан наинки, ўзи билан гаплашганимизда: “Охирги Олимпиадам, лекин мен натижа кўрсатишим керак. Мен шунчаки қатнашиб кетаман деб ўйлагандим. Аммо охирги Олимпиадамни медаль билан якунлаш ниятим бор. Шунинг учун тайёргарликка жуда катта аҳамият бераяпман”,- деди. Бу ўша ерда “Спорт” телеканалидан Марина Якубова, “Ўзбекистон 24” телеканалидан Дилрабо Алимова билан бирга очилиш маросимидан 1 кун олдин суҳбатлашиб ўтирган вақтда бўлаётган масала. У ерда мусобақа тақвимидан келиб чиқиб ўзи билан ва федерация раҳбарияти билан маслаҳатлашдик. Асосий спорт федерациялари ўзларини спортчиларини ҳаттоки чарчаб қолишади, иложи бўлса уларни жалб қилмасак дейишди. Биринчидан ҳаво жуда ҳам иссиқ эди, иккинчидан анча юриб келинади ва у ерда 3, 4 соат давомида тик оёқда туришга тўғри келади. Шу жиҳатларни инобатга олиб иложи бўлса медаль учун курашадиган, мана шу 2, 3 кун орасида чиқадиган спортчиларни стадионга чиқармасак деган таклиф бўлди. Бу масала мураббийлар кенгаши, ўша ердаги штаб билан муҳокама қилинди. Якунда байроқдор бўладиган спортчиларни ўзгартириш бўйича таклиф ўртага ташланди ва муҳокамадан кейин Оксана Чусовитинага ҳам бу нарса эълон қилинди",-деди МОҚ бош котиби.