08 ноя 13:50
Янгиликлар

Ўқ отиш

МОҚ раҳбари мерганларимиз учун яратилган шароитлар билан танишди

Хабар берганимиздек, айни кунларда ўқ отиш спорти бўйича Ўзбекистон кубоги беллашувлари бўлиб ўтмоқда.

Мазкур мусобақани бевосита кузатиш ва спортчилар учун яратиб берилган шароитлар билан танишиш учун МОҚ президенти Рустам Шоабдураҳмонов Мудофаа вазирлигига қарашли олий спорт натижаларини ривожлантириш марказига ташриф буюрди.

Спортчиларимиз учун яратилган шароитлар билан танишар экан, МОҚ раҳбари Мудофаа вазирлиги мутасаддиларига ўз миннатдорчилигини билдириб ўтди. Таъкидлаш жоиз, бу борада мерганларимиз учун ошхона, ётоқхона ва машғулотлар базаси барча талабларга жавоб беради. Шунингдек, Р. Шоабдураҳмонов федерация вакиллари билан учрашиб, тегишли кўрсатмаларни берди.

Натижаларга тўхталадиган бўлсак, мусобақада ўз йўналишларида Владимир Свечников, Роман Голошапов, Ситора Эргашбоева каби вакилларимиз ғолибликни қўлга киритишди.