14 июн 15:45
Янгиликлар

Бокс/ММА, Дзюдо, Тадбирлар, Олимпия ўйинлари, Осиё ўйинлари

МОҚ раҳбари Олимпиадага тайёргарлик ва федерациялар фаолиятини танқид остига олди

Хабар берганимиздек, айни дақиқаларда Ўзбекистон Миллий олимпия қўмитасида ташкилотнинг 35-Бош Ассамблеяси бўлиб ўтмоқда.

Йиғилишда Миллий олимпия қўмитаси раҳбари Рустам Шоабдураҳмонов айни пайтда амалга оширилаётган ишлар, Токио Олимпиадасига тайёргарлик йўлида ишлаб чиқилган тезкор чора-тадбирлар ҳақида маълумот берди.

Шунингдек, МОҚ раҳбари спортчиларни тиббий томонлама тайёрлаш бўйича амалга оширилаётган ишлар, федерацияларда юзага келган ҳолатлар, яратилган шароитлар ҳақида ҳам гапирди.

Қолаверса, 2016 йилги билан таққослаганда ҳеч қандай инновацион янгиликлар йўқлиги танқид қилинди. Тайёргарлик жараёни сифатини янада ошириш лозимлиги қайд этилди. Бироздан сўнг эътиборингизга йиғилишнинг батафсил тафсилотлари ҳамда фотогалерея тақдим этилади.

Маълумот учун, йиғилишда Ўзбекистон Республикаси Бош вазирининг ўринбосари Азиз Абдуҳакимов, Ўзбекистон Республикаси Жисмоний тарбия ва спорт вазири Дилмурод Набиев, МОҚ ижроқўм аъзолари ҳамда ОАВ ходимлари иштирок этяпти.