МОҚ раиси ўқ отиш спорти базасига ташриф буюрди

Бироқ делегациямиз Токио-2020 Олимпия ўйинларига мазкур спорт туридан лицензия ололмади. Шубҳасиз, бундай ҳолат Париж-2024 циклида қайтарилишини ҳеч ким истамайди. Бугун МОҚ раиси Рустам Шоабдураҳмонов Ўзбекистон ўқ отиш спорти федерациясига ташриф буюриб, мутасаддилар билан келгуси режаларни муҳокама қилиб олди.

Суҳбат давомида МОҚ раҳбари терма жамоа мураббийлари билан Ханчжоу-2022 Осиё ўйинлари ва Париж-2024 Олимпия ўйинларига тузилган режалар бўйича батафсил фикр алмашди. Спортчиларнинг бугунги рейтингидан келиб чиққан ҳолда келгуси циклга уларни етакчилар қаторига олиб кириш, нафақат пневматик, балки бошқа йўналишларга ҳам аҳамият қаратиш зарурлиги таъкидланди. Рустам Шоабдураҳмонов ташриф давомида Токио-2020 Паралимпия ўйинларига йўлланма олган Сервер Ибрагимов билан алоҳида суҳбатлашиб, унга яратиб берилаётган шароитлар билан танишди.

Якунда терма жамоага рақобатбардош кучли захира таркибини шакллантириш, спортчиларни замонавий инвентарлар билан таъминлаш бўйича тегишли топшириқлар берилди. Шунингдек, Осиё ва Олимпия ўйинларига қўйилган мақсад сари “Йўл харитаси”ни ишлаб чиқиш ҳам алоҳида таъкидланди.