Москвада Жаҳон кубоги ўтказилди

Шоу сакраш бўйича Евроосиё лигасида Ўзбекистон терма жамоаси спортчилари ҳам иштирок этишди.

CSI-CH йўналиши бўйича мусобақа натижаларига кўра жойлар қуйидагича тақсимланди:
1-ўрин Бобуржон Валижонов (Ўзбекистон)
2-ўрин Екатерина Гладкова (Россия)

Шу куни «Maxima stables» от спорт мажмуасида Жаҳон кубоги мусобақаси босқичи бўлиб ўтди. Евроосиё лигаси, миллатлар кубогида тўрт жамоа иштирок этди: Ўзбекистон, Россия, Қирғизистон ва Арманистон.

Мусобақа натижасида жамоалар қуйидаги ўринларни эгаллашди:

1-ўрин: Россия
2-ўрин: Ўзбекистон
3-ўрин: Қирғизистон

Алоҳида такидлаб ўтиш лозимки, тўсиқлардан сакраш бўйича от спортининг Ўзбекистон миллий терма жамоаси аъзолари ва ўзларининг жанговар шериклари, содиқ дўстлари — отлари билан биргаликда Россия давлатининг Москва шаҳрида «Maxima stables» ва «Otrada» от спорт клубларида бўлиб ўтган Халқаро мусобақаларда қатнашдилар.

Унда Ўзбекистон, Россия, Арманистон, Қирғизистон, Белоруссия, Қозоғистоннинг етакчи спортчилари қатнашди. Спортчиларимиз якка тартибда ҳам, жамоавий баҳсларда ҳам иштирок этишди ва нуфузли ўринларни эгаллаб, 9 та олтин, 11 та кумуш, 5 та бронза медалларини қўлга киритишди.

Ўзбекистон миллий терма жамоамиз билан фахрланамиз!