Москвада карантиндан кейинги илк бокс кечаси ўтказилади

Оқшомнинг марказий жангида россиялик Харитон Агрба ҳамюрти Александр Подольскийга қарши рингга кўтарилади. Жанг биринчи ярим ўрта вазн тоифасида WBA International камари учун кечади. 

Шунингдек, 15 июнги бокс кечасида 2015 йилги жаҳон чемпионатининг бронза медали совриндори Павел Силягин ҳам рингга чиқади. Ҳозирча унинг рақиби аниқ эмас. Бу Силягин учун профессионал рингдаги иккинчи жанг бўлади. Бокс кечасига мухлислар киритилмайди.