Москвада қишки корпоратив ўйинлар ўтказилади. Унда ўзбекистонликлар ҳам иштирок этади

Шу йилнинг 11-13 февраль кунлари Москвада навбатдаги қишки корпоратив ўйинлари бўлиб ўтади. 

Бу мусобақада турли ташкилотларда фаолият юритаётган ходимлар иштирок этади. 2018 йилдан бери мунтазам ўтказиб келинаётган қишки корпоратив ўйинларда спортнинг 28 тури бўйича ғолиблар аниқланади. 2000 нафардан зиёд спортчи умумий ҳисобда 690та медаль учун кураш олиб боради. 

Қишки корпорпатив ўйинларида армрестлинг, баскетбол, биатлон, волейбол, футбол, дартс, тоғ чанғиси, керлинг, енгил атлетика, стол тенниси, отжимания, теннис, арқонга тортилиб чиқиш, сузиш, турникка тортилиш, ўқ отиш, сноуборд, киберспорт, шахмат, шашка, бильярд, боулинг каби спорт турлари бўйича ташкилот ходимлари ўз кучларини синаб кўришлари мумкин. 

Ушбу мусобақада юртимиздаги турли ташкилотлар ходимларининг ҳар хил спорт турлари бўйича қатнашиши кутиляпти.

Москвада бўлиб ўтадиган қишки корпоратив ўйинлар бош ташкилотчиси Бутунроссия "Меҳнат захиралари" жисмоний тарбия ва спорт жамияти ҳисобланади. 

Турли ташкилотларда фаолият юритаётганлар диққатига: агар сизда ҳам Москвадаги мусобақада иштирок этиш истаги бўлса, қуйидаги рақамга мурожаат қилишингиз мумкин. 

+998 91 629 42 77 (Шоҳрух)