Москвадан эксклюзив! Шоҳжаҳон энди ошпаз. Йигит кишига қирқ ҳунар ҳам оз ФОТОРЕПОРТАЖ

Унда ҳамюртларимиз – кафе эгаси, МС Дони тахаллуси билан ижод қилувчи рэппер Достонбек Исломов (Достонбек ҳам ёшлигида бокс билан жиддий шуғулланган) таклифига кўра айни дамда Россия пойтахтида бўлиб турган боксчимиз Шоҳжахон Эргашев иштирокида ўзбекона ош тайёрлаш ва шу баҳона мухлислар билан учрашув ташкил этилди. 

Тадбир бошланишидан анча олдин йиғилишни бошлаган мухлислар сони бир зумда юз нафардан ошиб кетди ва кўпчилик навбат кутиб кўчада ҳам туриб қолди.

Шоҳжаҳоннинг айтишича, коронавирус пандемияси сабабли бутун дунёда катта тадбирлар, спорт мусобақалари ташкил этилиши ҳам чекланганлиги туфайли унинг ҳам олдиндан белгилаб қўйилган режалалари ўзгариб кетган. Мана энди бутун дунёни ларзага солган бу бало чекинишни бошлагач, у ҳам ўз фаолиятини яна давом эттириш ва навбатдаги жангига тайёргарлик кўриш учун машғулотларга зўр беришни бошлаган. 

Карантин пайтида Ўзбекистонда хордиқ чиқариб, машғулотларини ўтказган боксчимиз тайёгарликни бу ҳафтадан Москвада давом эттирмоқда. Россия пойтахтида бир оз муддат бўлгач, у Америка Қўшма Штатларига жўнаб кетишни ва навбатдаги жангга тайёргарликни океан ортида давом эттиришни режалаштирмоқда.

Қисқа савол-жавоблар билан бошланган тадбир бир зумда катта фотосессиясга айланиб кетди ва узоқ давом этган бу жараёндан кейин тадбирнинг якуний босқичи бошланди - МС Дони ва Шоҳжаҳон биргаликда ош ва кабоб тайёрлашди.

Москва шаҳридан сайтимиз учун Акбар Юсупов тайёрлади