Мостовой Ўруновнинг "Спартак"даги келажаги ҳақида гапирди

"Агар сиз айтмасангиз, мен ҳатто Ўруновнинг "Спартак"да эканлигини ва клубга тегишли эканлигини эсламасдим ҳам. Мантиқан қарасангиз, Остон майдон марказидаги ўйинчи, жамоадаги марказ эса ўйинчилар билан тўла. Шу сабабдан, менимча, у учун яна қандайдир вариантлар излашади".

Собиқ ярим ҳимоячининг сўзларига кўра, унга "Спартак" мураббийлари ва раҳбариятини тушуниш қийин.

"Бизда Бакаев керакмас бўлиб қолди. Тилни 20 миллионга сотиб олишди, у ҳам керак бўлмай қолди. Остонни олишганида, бизга керак деб бақиришди. Ҳа, у қайтди. Аммо, Ўрунов қаерда ва кимнинг ўрнида ўйнайди? Аммо, барчаси унинг қўлида. Марҳамат қилиб, исботла. Балки, мураббий уни ҳозир пайқаб қолар. Аммо, яна айтаман, барчаси мураббийга эмас, клубдаги инсонларга боғлиқ. Улар Ўрунов бизга керакмас дейишлари мумкин", — дейди у.

Мостовой шунингдек 21 ёшли ўзбекистонлик футболчининг "Торпедо" ёки "Химки"га эҳтимолий ижараси ҳақида гапирди.

"Катта эҳтимол билан, шундай вариант. "Торпедо" Россия Премьер-лигасида ўзининг ўрнини эгаллаш учун чиқди. "Химки" эса амаллаб лигада қолди, шу сабаб уларга ўйинчилар керак. Воқеалар ривожи шундай кўриниш олишини истисно этмайман", — дейди собиқ ярим ҳимоячи.

Ўрунов ўтган мавсум барча мусобақаларда 17та ўйинда майдонга тушди. Хавбекнинг Москва клуби билан шартномаси 2025 йилнинг 30 июнига қадар мўлжалланган.