11 июн 16:34
Янгиликлар

Футбол

Моуриньо Лондонда ва "Челси"ни қабул қилиб олишга тайёр

Португалиялик мутахассис Жозе Моуриньо 3-марта "Челси" бош мураббийи бўлиши мумкин.

Хабарларга кўра, жамоанинг ҳозирги бош мураббийи Маурицио Сарри яқин вақтларда "Ювентус"га кетади. "Аристократлар"нинг янги мураббийига эса энг кучли тўртликка кириш талаби қўйилади. 56 ёшли Моуриньони 10 июнда Лондонда агенти билан кўришган.

Эслатиб ўтамиз, португалиялик мураббий "Челси"ни 2004-2007 ва 2013-2015 йилларда бошқарган. Жозе 2018 йил декабрдан бери, яъни МЮдан кетганидан буён ишсиз юрибди.

Якунланган мавсумда "Челси" Сарри қўл остида АПЛда 3-ўринни эгаллади ва Европа Лигасида зафар қучди.