Моуринью "Реал Мадрид"нинг олти футболчисини трансферга қўяди

Жозе Моуринью "қироллик клуби"га қайтишга розилик берганидан сўнг, дарҳол "Реал Мадрид"нинг олти нафар футболчисини трансфер рўйхатига киритди.

Журналист Рамон Альвареснинг хабар беришича, Моуринью "Реал" раҳбарияти билан гаплашиб, Эдуардо Камавинга, Родриго Гоэс ва Франко Мастантуоно каби футболчилар унга керак эмаслигини маълум қилган.

Фран Гарсия, Рауль Асенсио ва Дани Себальоснинг ҳам Моуринью қўл остида келажаги йўқ ва улар шу ёзда жамоани тарк этиши ҳақиқатга яқин.

"AS" нашри мухбири Рубен Мартиннинг хабар беришича, Моуринью "Реал"нинг трансфер сиёсатига масъул этиб тайинланган ва Перес ҳатто ёши каттароқ футболчиларни сотиб олишдан бош тортиш ҳақидаги ўз қоидасини ўзгартиришга ҳам рози бўлган.