08 дек 07:54
Янгиликлар

Бокс/ММА

Мовсар Евлоев - Алжамэйн Стерлинг жанги ғолибини ҳакамлар аниқлаб беришди + ФОТО

Айни дақиқаларда АҚШнинг Лас-Вегас шаҳрида 2024 йилнинг сўнгги рақамланган UFC турнири давом этмоқда.

Бироз аввал UFC 310 турнири доирасидаги қизиқарли жанг якунига етди. Ярименгил вазн тоифасида мағлубият нималигини билмай келаётган россиялик Мовсар Евлоев собиқ UFC чемпиони америкалик Алжамэйн Стерлингга қарши октагонга чиқди. Уч раунд тўлиқ давом этган муросасиз жангда Евлоев номдор рақибини очколар (29-28, 29-28, 29-28) ҳисобига кўра мағлубиятга учратди. Жангнинг катта қисми партерда кечди.

Шу тариқа, Мовсар UFC лигасидаги ўзининг тўққизинчи ғалабасини тантана қилди. Евлоев вазн чемпион Илия Топурия билан жанг қилишга тайёр эканини билдирди. Алжамэйн Стерлинг эса ўтган йилнинг август ойида ўзининг UFC чемпионлик камарини бой берганди. Шу йилнинг апрелида янги вазнда муваффақиятли дебют қилганди.