Мовсар Евлоев - Алжамэйн Стерлинг жангининг янги санаси ва манзили тасдиқланди + ПОСТЕР

Бунга америкалик аралаш яккакураш устасининг машғулот пайтида орттириб олган жароҳати сабаб бўлганди. Ташкилотчилар ушбу жангни сақлаб қолишди. Фақат санаси ўзгарди. Энди жангчилар 7 декабрь куни АҚШнинг Невада штати Лас-Вегас шаҳрида ташкил этиладиган UFC 310 турнири доирасида ўзаро тўқнаш келишади.

Маълумот учун, собиқ UFC чемпиони Алжамэйн Стерлинг вазннини ўзгартирган ва шу йилнинг апрель ойида ярименгил вазн тоифасида муваффақиятли дебют қилганди. У ҳамюрти Келвин Каттарни ҳакамлар қарорига кўра очколар ҳисоби бўйича мағлубиятга учратган эди.

Мағлубият нималигини билмай келаётган Мовсар Евлоев эса январь ойида UFC лигасидаги еттинчи ғалабасини тантана қилганди. Ўшанда у британиялик Арнольд Аллендан очколар бўйича устун устун келганди. Айни пайтда россиялик аралаш яккакураш устаси UFC ярименгил вазн рейтингида олтинчи, америкалик эса тўққизинчи ўринни эгаллаб турибди.