МPL турнирининг бонус соҳиблари қанчадан ишлаб олишади

Ташкил этилаганига кўп бўлмай туриб, ўзбек ММА'сида яхшигина ном қозонган Мuradov Professional League бугун ўзининг учинчи халқаро турнирини ўтказади. Мазкур жанг оқшомида Мuradov Legion Team'нинг таниқли вакиллари октагонга чиқади. Куни кеча анъанага мувофиқ оқшом олдидан face-to-face ҳамда вазн ўлчаш маросими бўлиб ўтди. Тадбирдан сўнг Мuradov Legion Team жамоасининг мураббийи Жасур Алижановга турнирдаги бонус ҳақида савол бердик:

"Барча ММА лигаларидаги каби бизнинг лигамизда ҳам бонуслар мавжуд. Унга кўра, "Энг яхши жанг", "Энг яхши нокаут", "Энг яхши самбишон" эгаларига 500 $ миқдорида бонуслар берилади", - деди "Jasco coach".