Муайтай бўйча Жаҳон чемпионлари тақдирланди

Яқинда профессионал муайтайчилар ўртасида Таиланд пойтахти Бангкок шаҳрида жаҳон чемпионати бўлиб ўтган эди. Мусобақада Ўзбекистон терма жамоаси таркибида иштирок этган Қорақалпоғистон Республикаси Ички ишлар вазирлиги тезкор вазифаларни бажарувчи сафарбарлик отряди катта муҳандиси, кичик сержант Жаҳонгир Юлдашев 60 килограмм вазн тоифасида, ушбу отряднинг катта муҳандиси, кичик сержант Онгар Боймуратов эса 81 килограмм вазнда жаҳон чемпиони бўлганди.

– Дастлаб Хитой Халқ Республикаси, сўнгра Мексика, Беларусь, финалда эса майдон эгаси таиландлик спортчи устидан ғалаба қозондим, – дейди жаҳон чемпиони Онгар Боймуратов. – Бизларни қўллаб-қувватлаган мураббийларимизга, Ички ишлар вазирлиги раҳбариятига миннатдорлик билдирамиз. 

Тадбирда Қорақалпоғистон Республикаси Ички ишлар вазири ўринбосари И.Аҳмедов спортчиларни қўлга киритган ғалабаси билан қутлади. Уларга вазирлик томонидан совғалар топширди.