Муҳаммад Мокаев UFC раҳбариятига мурожаат қилди: "Сиз ваъда бергандингиз!"

"Бугунги кунда ММАдаги энг узун амалдаги ғалабалар серияси! 23-0 ҳаваскорлар, 17-0 профессионаллар. Дунёдаги энг енгил дивизионнинг энг яхши жангчиси... Дана, Хантер ва Мик, мени ҳақиқий жангчи эканлигимни биласизлар. Сиз музокараларга мен бир нечта муддатидан олдин ғалаба қозонганимдан кейин қайтишга ваъда берган эдингиз! Мени ҳайдашганидан бери бешта жангда тўрт марта муддатидан олдин ғалаба қозондим ва бу йўлда жуда қаттиқ ишладим. Мен энг яхшилар билан жанг қилишга лойиқман!", – деб ёзди мағлубиятсиз британиялик жангчи ижтимоий тармоқда ташкилот раҳбариятига мурожаат қилиб.

Ўтган дам олиш куни 25 ёшли Муҳаммад Мокаев Испаниянинг Way of Warrior FC лигасида дебют қилди. У Мадриддаги WOW 31 турнирида Коста-Рика вакили Хорхе Кальвони 42 сонияда техник нокаутга учратди.