Муҳаммад Мокаевнинг янги Лигадаги дебюти 3 дақиқадан сал кўпроқ давом этди

Мағлубият нималигини билмай келаётган келиб чиқиши доғистонлик, бир неча йилдан бери Буюк Британия шарафини ҳимоя қилиб келаётган Мокаев Brave промоушенида дебют қилди. 

У Brave Combat Federation (Brave CF) 91 турнири доирасида филиппинлик Жовинсета Сога қарши октагонга чиқди. Жанг биринчи раунднинг тўртинчи дақиқаси ўтиб бораётган бир пайтда тўхтатилди. Тажрибали Мокаев рақибини бўғиб қўйди. 

Аслида Муҳаммад Мокаев Жанубий Африка Республикаси вакили Лутандо Бико билан жанг қилиши керак эди. Аммо африкалик аралаш яккакураш устаси машғулот чоғида жароҳат олгани боис, Муҳаммадга янги рақиб берилганди.