19 сен 09:08
Янгиликлар

Бокс/ММА

Муҳаммад Наимов UFC 294 турнирида жанг қиладиган бўлди

21 октябрь куни Бирлашган Араб Амирликлари пойтахти Абу-Даби шаҳридаги Etihad аренада UFC 294 турнири бўлиб ўтади.

Оқшомнинг марказий жанги енгил вазн тоифасида UFC чемпиони, россиялик Ислам Махачев ҳамда даъвогар, бразилиялик собиқ чемпион Чарльз Оливейра ўртасида кечади. Ташкилотчилар томонидан турнирдан ўрин олган яна бир жанг эълон қилинди.

Унга кўра, ярим енгил вазн тоифасида тожикистонлик UFC жангчиси Муҳаммад Наимов (9-2-0) англиялик Натаниэль Вуд (19-5-0)га қарши октагонга кўтарилади. Улар ўртасидаги жанг прелим кард доирасида 3 раунд этиб белгиланган. Бу Муҳаммад учун иккинчи жанг бўлади.

Бундан ташқари, UFC 294 турнири доирасида яна бир тожикистонлик жангчи - Муин Гафуров (18-5-0) россиялик Саид Нурмагомедов (17-3-0) билан муносабатларига ойдинлик киритиб олади.