Муҳаммад Салоҳ Миср терма жамоаси ўйини пайтида мухлислар ҳужумига учради

Муҳаммад Салоҳ Либерияда бўлиб ўтган ЖЧ-2026 саралаш босқичи доирасидаги Серра-Леонега қарши сафар ўйинида мухлислар томонидан ҳужумга учради, деб хабар берди Goal.com.

Асосий вақт тугашига бир дақиқа қолганида мисрликлар ҳисобни 2:0 кўринишига келтиришди. Бу эса трибунадаги мухлисларга ёқмади. Улар майдонга тушишга муваффақ бўлишди ва Салоҳ томон югуришди. Бироқ хавфсизлик ходимлари ҳолатни тезкорлик билан ўз назоратига олдилар. Салоҳ ўзини хотиржам тутди, аммо ўйиндан сўнг хавфсизлик ходимлари ҳамроҳлигида майдонни тарк этди.

Эслатиб ўтамиз, ўйин Миср терма жамоасининг 2:0 ҳисобидаги ғалабаси билан якунланди. Серра-Леоне терма жамоаси 39-дақиқадан бошлаб озчиликда ўйнади.