23 янв 10:12
Янгиликлар
Бокс/ММА
Муҳаммаджон Қурбонов Амирхон Алихўжаев билан жанг ҳақида: "Бу мен учун осон пуллар"
Ярим енгил вазн тоифасида Octagon лигаси собиқ чемпиони, ўзбекистонлик аралаш якка кураш устаси Муҳаммаджон Қурбонов яна бир ўзбек ММА жангчиси Амирхон Алихўжаев билан эҳтимолий жанг ҳақида гапирди.
Аввалроқ, Octagon лигаси икки жангчи ўртасидаги тўқнашувга қизиқиш билдирган эди. Алихўжаев эса бунга жавобан ижтимоий тармоқлардаги саҳифалари орқали "Икки ўзбек бир-бири билан урушмайди" қабилида муносабат билдирган эди.
Муҳаммаджон Қурбонов ҳам бу жангга ўз фикрини билдирди:
"Бу мен учун осон пуллар. Агар у мен билан жанг килишга журъат топса... У ММА нима эканлигини ва яхши савиядаги жангчи қандай бўлишини тушунади. Спортда милллат деган тушунча йўқ. Факат спорт компоненти бор".
Маълум бўлишича, Амирхон Алихўжаев ва Муҳаммаджон Қурбонов ўртасидаги жанг март ойида Тошкентда ўтказилиши мумкин.
Ҳавола :
Манба : olamsport.com
Фикрлар