03 авг 12:05
Янгиликлар
Бокс/ММА
Муҳаммадқодир Абдуллаевни енган Коттонинг жанги қачон ўтказилади?
Профессионал бокснинг тўртта вазн тоифасида собиқ жаҳон чемпиони Мигель Котто (40-5, 33КО) ўзининг навбатдаги жангини шу йилнинг кеч кузида ўтказади.
35 ёшли пуэрторикалик боксчи Roc Nation промоутерлик компанияси билан шартнома эга. Ушбу келишувга биноан Котто йил сўнггида жанг ўтказиши шарт.
Катта эҳтимол билан Мигель Анхель Котто иштирокидаги бокс кечаси АҚШнинг Флорида штатида бўлиб ўтади. Ҳозирча рақиб номи маълум эмас.
Эслатиб ўтамиз, Мигель Анхель Котто ўз вақтида чемпионлик камари учун кечган жангда ҳамюртимиз Муҳаммадқодир Абдуллаевга қарши рингга кўтарилган ва 9-раундда техник нокаут эвазига Сидней-2000 чемпионини мағлуб этганди. Ўшанда Абдуллаевнинг кўзида гематома пайдо бўлганди.
Шифокорлар эса жангни давом эттирмасликни тавсия қилишганжди. Ушбу чемпионлик жанги 2005 йилнинг 11 июнь куни АҚШнинг Нью-Йорк шаҳридаги муҳташам Madison Square Garden аренасида бўлиб ўтганди.
Ҳавола :
Фикрлар