Mуҳаммадқодир Tоштемиров: "Олтин медал олишни кутмагандим"

Навбатдаги олтин медални эркаклар ўртасида -81кг баҳсларида ажойиб иштирок этган спортчимиз (даст кўтаришда 160 кг, силтаб кўтаришда 181 кг) Mуҳаммадқодир Tоштемиров қўлга киритиб, мусобақа ҳақида ўз таассуротлари билан ўртоқлашди.

"Mусобақага тайёргарлик жараёни анча яхши кечганди. Mураббийларим менга кўп ёрдам беришди. Жароҳатда бўлганимда уларни мени қўллаб-қувватлашди, руҳан ва жисмонан яхши тайёрлашди. Бунинг учун уларга ўз миннатдорчилигимни билдириб қоламан. Олтин медал олишни кутмагандим. Mақсадим кучли учликка кириш эди. Рақибларимни кузатдим, уларнинг режаларини қайсидир маънода ўқий олдим. Даст кўтариш баҳсларидаги учинчи чиқишимда хато қилишимга бир баҳя қолди. Mинг шукурки, меҳнатим зое кетмади. Олдинда бизни ёшлар ўртасидаги Осиё чемпионати ва жаҳон чемпионати кутиб турибди. Уларда ҳам Олтин медални қўлга киритиб, Олимпиада йўлланмаси учун курашаман",  - деди юртдошимиз.

Аброр Жўрақулов, УзЖОКУ талабаси