23 июн 11:00
Янгиликлар

Бокс/ММА

Муҳиддин Мамажонов дунёнинг етакчи ММА лигаларининг бири билан шартнома имзолашга яқин

Ярим ўрта вазн тоифасида ўзбекистонлик ММА жангчиси Муҳиддин Мамажонов (4-0) фаолиятини хориж лигасида давом эттириши мумкин.

Бу ҳақда унинг мураббийи Жасур Алижонов Olamsport.com сайтига берган интервьюсида маълум қилди. "Jasco Coach"нинг сўзларига кўра, Мамажоновнинг Сингапурнинг ONE FC лигаси билан шартнома имзолаш эҳтимоли юқори. Айни пайтда жангчимизга шартнома юборилган.

Бугунги кунда One Championship'даги ММАчиларимиз сони бир нафарни ташкил этади, у Muradov Legion Team'нинг бошқа бир аъзоси - Жасур Мирзамуҳаммедовдир.

Эслатиб ўтамиз, Муҳиддин Мамажонов ҳозиргача тўртта жанг ўтказиб, уларнинг барчасида муддатидан олдин ғалаба қозонган.

Жасур Алижонов билан интервьюни тез орада Olamsportcom YouTube каналида томоша қилишингиз мумкин бўлади!