Муҳиддин Мамажоновнинг Hardcore собиқ чемпионига қарши қонли жанги тўлиқ давом этди

Асосий карддан ўрин олган бу жангда енгил вазн тоифасида 32 ёшли ўзбекистонлик аралаш якка кураш устаси Муҳиддин Мамажонов Hardcore FC лигасининг 26 ёшли собиқ чемпиони, тожикистонлик Фазлиддин Мадраҳимов рақиблик қилди.

Жанг 3 раунд этиб белгиланганди ва у тўлиқ давом этди. Аммо якунда афсуски, жанг сценарийсини ўзгартира олган Фазлиддин Мадраҳимов ҳакамларнинг бўлинган қарори билан ғалабани ўзиники қилди.

Қайд этиш жоиз, жанг давомида пассив бўлган Мадраҳимов иккинчи раундда Мамажонов танасининг пастки қисмига тақиқланган оёқ зарбасини йўллади, шунга қарамай собиқ боксчи Муҳиддин Мамажонов жангни давом эттира олди.

Шу тариқа, тажрибали Муҳиддин "Левша" Мамажонов фаолиятидаги 8-жангида илк бор мағлубиятни қабул қилиб олди. Мадраҳимов ҳисобида эса энди 14 та ғалаба ва 5 та мағлубият бор.