Муҳсин Ҳисомиддинов 3 карра жаҳон чемпиони!

Бугун мусобақанинг сўнгги учинчи куни эркаклар оғир, аёллар эса енгил вазн тоифасида ғолиб ва совриндорлар номини аниқлаб беришди. +100 кг вазн тоифасида юртимиз шарафини ҳимоя қилган Муҳсин Ҳисомиддинов барча рақибларини мағлубиятга учратиб, уч карра жаҳон чемпионига айланди. У олтин медаль учун кечган финал беллашувида эронлик Жаъфар Паҳлавонижаҳардан устун келди. 

Эътиборлиси, бугун барча 4 та вазн тоифасида ҳам ўзбекистонлик полвонлар жаҳон чемпионига айланишди. -100 кг вазнда Эркин Дониёров, -48 кг вазн тоифасида Моҳинур Мўминова, -52 килода эса Гулнор Сулаймонова олтин медаль соҳибига айланди. 

Бугунги кун қаҳрамонлари:

Эркаклар 

- 100 кг вазн тоифаси

1. Эркин Дониёров (Ўзбекистон)

2. Ҳамид Рашиди (Эрон)

3. Жи Мин Ким (Жанубий Корея)

3. Хоанг Дуонг Нгуэн (Вьетнам)

+100 кг вазн тоифаси

1. Муҳсин Ҳисомиддинов (Ўзбекистон) 

2. Жаъфар Паҳлавонижаҳар (Эрон) 

3. Кунатип Йе-Он (Таиланд)

3. Мбепа Гаулоу Энтони (Конго ДР)

-48 кг вазн тоифаси 

1. Моҳинур Мўминова (Ўзбекистон)

2. Эрденедалай Нурзедмаа (Mўғулистон)

3. Чиа-Вен Цоу (Хитой Тайпейи)

3. Айширин Ҳайдаровa (Туркманистон)

-52 кг вазн тоифаси

1. Гулнор Сулаймонова (Ўзбекистон) 

2. Айнур Аманова (Туркманистон)

3. Кёнг Ха Ли (Жанубий Коея)

3. Цю Йи Ханг (Хитой Тайпейи)