20 окт 16:01
Янгиликлар
Бокс/ММА
Мужибилло Турсуновнинг WBC Гран-приси финалидаги рақиби ким бўлиши маълум
19 октябрь куни Саудия Арабистонининг Ар-Риёд шаҳрида бокс бўйича WBC Гран-приси мусобақасининг ярим финал босқичидан ўрин олган беллашувлар ўтказилди.
Мусобақада супер енгил вазн тоифасидаги баҳсларда ўзининг ғалабали юришини давом эттираётган ҳамюртимиз Мужибилло Турсуновга финал чиптаси йўлида украиналик Данило Лозан қаршилик қилди. 6 раундга мўлжалланган жанг тўлиқ давом этиб, якунда Турсунов очколар эвазига ғалаба қозонган ҳолда Гран-прининг ҳал қилувчи босқичига йўлланмани қўлга киритди.
25 яшар чарм қўлқоп устамиз энди 5 декабрь куни мусобақа ғолиблиги учун колумбиялик Карлос Утриа билан баҳс олиб боради. Утриа ярим финал босқичида ЖАР вакили Нтетело Нкосини биринчи раундда нокаутга учратган эди. У фаолияти давомида 12 та проф жанг ўтказиб, барчасида рақибларидан устун келган.
Ҳавола :
Манба : olamsport.com
Фикрлар