Мукофот жамғармаси 400 млн сўм бўлган кураш бўйича "Тошкент шаҳар прокурори кубоги-2022" якунланди ФОТОГАЛЕРЕЯ

Пойтахтимиздаги "Универсал" спорт саройида ўтган мусобақада мамлакатимизнинг энг сара ва кучли тўрт юз нафардан зиёд  полвони ғолиблик учун гиламга чиқди.

Мусобақанинг тантанали очилиш ва тақдирлаш маросимларида Ўзбекистон кураш федерацияси раисининг биринчи ўринбосари Комилжон Юсупов, Ўзбекистон Республикаси Бош прокуратураси бошқарма бошлиғи Сардорбек Каримов, Тошкент шаҳар прокурори, Тошкент шаҳар кураш федерацияси раиси Улуғбек Қосимов, шаҳар ички ишлар бошқармаси бошлиғи Азиз Тошпўлатов, Тошкент шаҳар Халқ қабулхонаси бошлиғи Тоҳир Муллажонов, Юнусобод тумани ҳокими Баҳодир Абдувалиев иштирок этди.

Анъанавий мусобақанинг мутлоқ вазн тоифасида ғолибга — бош соврин 100 000 000 сўм, диплом, медаль ва махсус кубок топширилди. Иккинчи ўрин соҳибига 30 000 000 сўм ва учинчи поғонани эгаллаган курашчиларга 5 000 000 сўмдан мукофот топширилди.

Қолган вазн тоифаларида биринчи ўрин эгасига 20 000 000 сўм, иккинчи ўринга 8 000 000 сўм ва бронза медали соҳибларига 3 000 000 сўмдан мукофот берилди.

Кураш мухлисларини икки кун зўр ҳаяжонда ушлаб турган нуфузли мусобақада ўз вазн тоифаларида эркаклар ўртасида Раҳмон Жумаев (60 кг), Руслан Бўриев (66 кг), Элбек Тожиев (73 кг), Умар Бозоров (81 кг), Жавоҳир Мирзамуродов (90 кг), Шерали Жўраев (мутлоқ), аёллар ўртасида Комила Қаҳҳорова (57 кг), Раҳима Йўлдошева (+78 кг)лар тенгсиз, деб топилдилар.

Кураш бўйича Тошкент шаҳар прокурори кубогининг барча ғолиб ва совриндорлари билан танишинг:

Аёллар ўртасида

57 кг

1. Қаҳҳорова Комила

2. Жўраева Гулҳаё

3. Аҳмедова Севинч

3. Эсонова Сарвиноз

+ 78 кг

1. Йўлдошева Раҳима

2. Эркинбаева Санеайим

3. Адашева Равза

3. Шодмонова Ситора

Эркаклар ўртасида

60 кг

1. Жумаев Раҳмон

2. Саидқулов Санжар

3. Содиқов Қувонч

3. Худойқулов Ҳумоюн

66 кг

1. Бўриев Руслан

2. Бобоев Баҳодир

3. Мусурмонов Зафар

3. Ҳасанов Отабек

73 кг

1. Тожиев Элбек

2. Сафаров Жавоҳир

3. Норбўтаев Асад

3. Бердишукуров Сардор

81 кг

1. Бозоров Умар

2. Зиёдуллаев Аҳрор

3. Содиқов Ўрол

3. Бобоев Ғиёс

90 кг

1. Мирзамуродов Жавоҳир

2. Қозоқов Эркин

3. Хуррамов Эрназар

3. Тожиев Арслонбек

+ 90 кг (мутлоқ)

1. Жўраев Шерали

2. Маматраҳимов Жамшид

3. Хуррамов Муҳаммадкарим

3. Хуррамов Сардор.

Алимурод МАМАДАМИНОВ, ўз мухбиримиз