27 фев 11:13
Янгиликлар

Бокс/ММА

Мурадов билан жанги икки бор бекор бўлган Абусупиян Магомедовга рақиб берилди

Асли келиб чиқиши доғистонлик, ҳозирда Германия шарафини ҳимоя қилаётган Абусупиян Магомедовнинг навбатдаги жанг санаси, манзили ва рақиби маълум бўлди.

У 18 май куни АҚШнинг Лас-Вегас шаҳрида ўтказиладиган UFC Fight Night турнирида кореялик Юн Йон Пакка қарши октагонга чиқади. Жанг ўрта вазн тоифасида ўтказилади.

Абус Магомедов 2022 йилнинг сентябрь ойида UFC ташкилотида дебют қилганди. Ўшанда у 19 сония ичида Дастин Штольцфусни техник нокаутга учратган эди. Кейин эса кетма-кет иккита мағлубиятни қабул қилиб олди. Аввалига Шон Стриклендга техник нокаут билан ютқазди, кейин эса Кайо Борральога очколар ҳисобига кўра ютқазиб қўйди.

Таъкидлаш жоиз, Магомедовнинг икки бор Маҳмуд Мурадовга қарши ўтказилиши керак бўлган жанги амалга ошмай қолганди. Юн Йон Пак эса ўтган йилнинг декабрь ойида 4 та ғалабадан иборат сериясига барҳам берганди. У Андре Мунизга ҳакамларнинг айри қарори билан имкониятни бой бериб қўйган эди.