Мурадов туфайлими? Jasco Coach MPL турнирлари нима сабабдан ўтказилмаётганини айтди

Анжуман давомида MPL MMA Лигаси раҳбарларидан бири Жасур Алижоновга Лига фаолияти билан боғлиқ савол берилди.

— MPL турнирлари тўхтаб қолди. Унга оид қандай режаларингиз бор?

"MPL вақтинча тўхтаб турибди. Бутунлай тўхтамаган. Ҳозир айрим сабабларга кўра, аниқроғи паспорт туфайли Маҳмуд Мурадов Ўзбекистонга кира олмайди. У яқинда камар учун жанг қилади. Шундан ўтиб олганидан кейин, Лига яна ўз йўлига тушади, деб ўйлайман. Ўзбекистонда қолган ММА Лигалари ҳам тўхтаб қолди. Ҳозир буни устида ишлаяпмиз. Нафақат MPL, балки ёшлар учун ҳам селекция Лигаси ташкиллаштирмоқчимиз. Рамазон ойидан кейин рухсат берилса, ёшларга имкон берамиз. Ҳозир ном қидиряпмиз. Ном топишга ёрдам беришларингиз мумкин", деди Алижонов.

Маълумот учун, MPL сўнгги мусобақасини 2024 йил май ойида Тошкентда ўтказганди.