Муроджон Аҳмадалиев чемпионлик жанги ҳақида: "Мен тайёрман, умид қиламанки у ҳам"

"Жангимдан сўнг Роман - Дохени беллашувини томоша қилдим. Роман ва унинг жамоаси айнан мен унга тегишли WBА камарига асосий даъвогар бўлиб турганимни қабул қилмаётган бўлсада, мен уларнинг бирлашишига қаршилик кўрсатмадим. Лекин, энди бундай бўлмайди, ҳимояланиш вақти келганини эслатиб қўймоқчиман! Дени Дохинига қарши жангда ўзининг шиддат ва характерини яққол намоён этди. Жанг ҳақиқатдан ҳам зўр бўлди. Аммо, энди иккимиз учун ҳам ҳақиқий синов вақти келди. Мен тайёрман, умид қиламанки у ҳам. Ҳақиқий мексикалик мардлар қийинчиликдан қўрқишмайди деб ўйлайман. Умид қиламанки, биз иккимиз сентябрда ҳақиқий жанг оқшомини кўрсатиб, барчага ким кучли эканлигини кўрсатиб қўямиз", - деб хабар қолдирди Аҳмадалиев Инстаграмдаги саҳифасида.