07 авг 11:08
Янгиликлар
Муроджон Аҳмадалиев: Имкониятни қўлдан бой бермайман!
Нью-Йорк шаҳридаги “Мэдисон Сквер Гарден” аренасида бўлиб ўтадиган бўлажак тарихий жанг ҳақида Аҳмадалиев ўз фикрини шундай билдирди.
- Бундай имкониятга эга эканлигимдан жуда бахтиёрман. Чемпион бўлиш ҳар бир боксчининг орзуси ҳисобланади. Аллоҳга минг шукрки, жамоамнинг машаққатли меҳнати сабабли мен еттинчи жангимда бир йўла иккита чемпионлик камари учун жанг олиб бораман.
Шу кунгача қанчадан-қанча қийинчиликларни енгиб ўтишимга тўғри келди ва таъкидлаш жоизки бугун ўз мақсадимга эришдим, деб бемалол айта оламан. Ушбу имкониятни қўлдан бой бериб қўймайман. Иншааллоҳ, камарларни юртимга олиб кетаман. 13 сентябрда “MSG NY”даги жангимни ўтказиб юборманг!
Эслатиб ўтамиз, Муроджон Аҳмадалиев WBA рейтингида биринчи ўринни эгаллаб турибди ва Романнинг камарига расмий даъвогар ҳисобланади. Ғолиб боксчи IBF камарини ҳам қўлга киритади.
Фикрлар