11 ноя 22:32
Янгиликлар

Бокс/ММА

Муроджон Аҳмадалиев навбатдаги рақиби ва жанг санасини эълон қилди + ПОСТЕР

Теглар : Муроджон Аҳмадалиев Кевин Гонсалес

Биринчи ярим енгил вазн тоифасида собиқ жаҳон чемпиони, ўзбекистонлик Муроджон Аҳмадалиев мексикалик Кевин Гонсалес билан жанг қилади.

Жанг 2023 йилнинг 16 декабрь куни АҚШнинг Аризона штатида жойлашган "Desert Diamond" аренасида ташкил этиладиган бокс оқшоми доирасида ўтказилади. Бироз олдин Муроджоннинг ўзи Instagram саҳифаси орқали ушбу тўқнашувни эълон қилди:

"Ин Ша Аллоҳ, 16 декабрь куни ишга қайтамиз. Дуода бўлиб туринглар", - деб ёзган боксчимиз.

Қайд этиш жоиз, ҳамюртимиз иштирокидаги жанг WBA чемпионлик камари учун якуний элиминатор жанги бўлади. Яъни, жанг ғолиби WBA чемпионлик камари учун жанг қилиш ҳуқуқини қўлга киритади.

Ҳозирда ушбу вазндаги WBA йўналиши чемпиони филиппинлик Марлон Тапалес ҳисобланади. У 26 декабрь куни япониялик Наоя Иноуэ билан жанг қилади.

Эслатиб ўтамиз, Муроджон Аҳмадалиев ўзига тегишли камарларни (WBA, IBF) айнан филиппинлик Марлон Тапалес билан жангда бой бериб қўйганди.