Муроджон Аҳмадалиев Нью-Йоркда еттинчи жангини ўтказди

Ҳамюртимиз колумбиялик Вильнер Сотога қарши рингга кўтарилди. Иккинчи енгил вазн (55,3 кг) тоифасида ўтган 10 раундлик жанг муддатидан аввал якунланди. Рефери Эрик Дали 4-раундда жангни тўхтатишга мажбур бўлди. Аҳмадалиев Сотони техник нокаутга учратди.  

Бу Муроджоннинг проф боксдаги 7-жангдаги 7-ғалабаси бўлди. Муддатидан аввал қозонилган ғалабалар сони 6 тага етди. Сото эса бугун профессионал рингдаги 29-жангини ўтказди ва 7-мағлубиятини қабул қилди. Нокаут билан ютқазган мағлубиятлари 3 тага етди. 22 та жангни ўз фойдасига ҳал қилган (12 та нокаут). 

Эслатиб ўтамиз, аслида бугун Муроджон Аҳмадалиев икки йўналиш бўйича жаҳон чемпиони америкалик Даниэль Романга қарши жанг рингга кўтарилиши лозим эди. Аммо, Роман жароҳат сабаб чемпионлик жанги бекор бўлган эди.