Муроджон Аҳмадалиев рақибини муддатидан олдин мағлуб этди ва яна даъвогарга айланиб олди

Аризона штатида ташкил этилган бокс оқшомида ҳамюртимиз мексикалик Кевин Гонсалесга қарши рингга кўтарилди.

12 раунд этиб белгиланган жанг муддатидан олдин якунланди.

6-раундда Муроджон рақибини икки маротаба нокдаун ҳолатига туширди. 8-раундга келиб яна бир нокдаун қайд этилди ва шундан сўнг Аҳмадалиев босимни давом эттирди. Шундан сўнг рефери жангни тўхтатиб, техник нокаут қайд этди. Ҳамюртимиз навбатдаги ғалабани ўз ҳисобига ёздириб қўйди.

Шу тариқа, Муроджон яна камарлар учун даъвогарга айланиб олди. Энди у Наое Иноуэ - Марлон Тапалес жанги ғолибига қарши мутлақ чемпионлик учун рингга кўтарилиши мумкин.