13 дек 18:29
Янгиликлар

Бокс/ММА

Муроджон Аҳмадалиевнинг навбатдаги жанги расман тасдиқланди, у иккита камар учун жанг қилади + ФОТО

Ҳамюртимиз Муроджон Аҳмадалиев проф рингдаги навбатдаги жангини 30 январь куни ўтказадиган бўлди.

Буни промоутер Эдди Хирн расман тасдиқлади. "Кака" Майамидаги DAZN жанг оқшомида рингга кўтарилади.

Муроджон Аҳмадалиев ва америкалик Даниель Роман ярименгил вазн тоифасидаги IBF ва WBA камарлари учун ўзаро кураш олиб боришади. Қайд этиш лозимки, айни пайтда ушбу камарлар америкалик боксчига тегишли. Аҳмадалиев эса WBA камари учун мажбурий даъвогар ҳисобланади. Мазкур жанг сентябрь ойида ўтказилиши лозим эди. Аммо, Романнинг жароҳати сабаб жанг бекор қилинганди.

Кечанинг марказий жанги ўрта вазн тоифасида WBO камари соҳиби Демитриус Адрейд ҳамда ирландиялик Люк Килер ўртасида бўлади.