Мустақил Ўзбекистонга Жаҳон чемпионатининг илк медалини ким тақдим этган?

Оилавий муҳит таъсирида, отаси, Олот дзюдо мактаби асосчиси, Ўзбекистонда хизмат кўрсатган мураббий Рустам Тўраевнинг изидан бориб дзюдо спорт турини танлаган Фарҳод Тўраев 1999 йили Англиянинг Бирменгем шаҳрида ўтказилган жаҳон чемпионатида кумуш медални қўлга киритган. Бу билан кичик Тўраев жаҳон чемпионатида шоҳсупага кўтарилган биринчи ўзбек дзюдочиси сифатида тарихга кирган.

Маълумот учун, халқаро тоифадаги спорт устаси Фарҳод Тўраев 1997 йили Филиппинда ўтган Осиё чемпионатининг кумуш, кўплаб нуфузли халқаро мусобақалар, "Катта Дубулға", Гран-при туркумига кирувчи турнирларда ғолиб ва совриндори бўлган. Жонкуяр мураббий кўплаб номдор спортчиларнинг устози ҳисобланади. Истеъдодларни тайёрлаш жараёни бугунги кунда ҳам давом этмоқда.