Mutua Madrid Open. Даниил Медведев 1/8 финалга чиқди

Дунёнинг 10-ракеткаси Даниил Медведев учинчи даврада ATP рейтингида 126-поғонада бораётган аргентиналик Хуан Мануэль Серундолони ортиқча қийинчиликсиз мағлубиятга учратди - 6/2, 6/2. Бу теннисчиларнинг ўзаро ўтказган илк учрашуви бўлди. 

Олтмиш икки дақиқа давом этган баҳсда иккала теннисчи ҳам 2 тадан эйс зарбасини амалга оширган. Брейклар бўйича мутлақ устунлик Медведев томонида бўлди - 4:0. Энди у Mutua Madrid Open турнири 1/8 финалида Брэндон Накашимага қарши кортга чиқади. Келиб чиқиши япониялик, ҳозирда АҚШ шарафини ҳимоя қилаётган Накашима учинчи босқичда италиялик Флавио Коболлини 7/5, 6/3 ҳисобида мағлуб этди.