22 июл 07:51
Янгиликлар
Футбол
МЮ "Брентфорд"нинг энг яхши тўпурарини 71 миллион фунтга сотиб олди
"Манчестер Юнайтед" "Брентфорд" вингери Бриан Мбемони ўз сафига қўшиб олди.
Аввал хабар қилинганидек, Камерун терма жамоаси 25 ёшли футболчисининг МЮга трансфер умумий суммаси 71 миллион фунтни ташкил этди. 65 миллион фунтлик асосий сумма тўрт қисмга бўлиб тўланади, шунингдек, келишувга 6 миллион фунтлик бонуслар киритилган.
BBC маълумотларига кўра, бонус қисми 5 миллион фунтни ташкил этади. Бриан билан шартнома 2030 йилгача мўлжалланган ва уни яна бир йилга узайтириш имконияти бор. Ўтган мавсумда Мбемо АПЛда 38 ўйинда 20 гол уриб, 7 та голли узатма қилди.
Эслатиб ўтамиз, аввалроқ манкунианликлар "Вулверхэмптон"дан Матеус Куньяни 62,5 миллион фунтга сотиб олган эди.
Ҳавола :
Фикрлар