МЮ ҳужумчиси жамоадан кетмоқчи

Франциялик футболчи келаси ёзда эркин агентга айланади. Унинг "Олд Траффорд"да қолиш истаги йўқ. Бу ҳақда таниқли инсайдер Фабрицио Романо хабар берди.

Антони Марсьяль 2023/2024 йилги мавсум 19 та расмий ўйинда майдонга тушиб, 2 та гол урди ва шеригига 1 та голли пас узатди. Аввалроқ матбуотда 28 ёшли футболчи ўз хизматларини А Серия етакчиси "Интер"га таклиф қилгани ҳақида маълумотлар пайдо бўлганди.