МЮ устози учта ўйинга четлатилди

Англия футбол ассоциациясининг маълум қилишича, "Манчестер Юнайтед" устози 19 октябрь куни "Брентфорд"га қарши баҳсда ҳакамлар билан зиддиятга боргани туфайли 3 та ўйинга четлатилди ва 7500 фунт жаримага тортилди.

"Юнайтед" штаби манкунианлар майдонда камчилик бўлиб қолганида Итан Пиннок голи учун эътироз билдирганди. Гол юзага келган пайтда ҳакам Маттейс де Лигтга бошидаги жароҳат туфайли майдонга қайтишга рухсат бермаган эди.

Ўшанда Эрик тен Хаг ва Руд ван Нистелройлар эътироз учун сариқ карточка билан жазоланишган, Флетчер эса танаффус пайтида ҳакамлар билан жанжаллашганди. МЮ собиқ футболчиси ҳакамлар бригадаси билан мулоқот вақтида "ҳақоратли сўзлар"дан фойдаланган.