Набиева Халқаро бирдамлик мусобақасида жамоамизнинг илк медалини қўлга киритди

Эътиборлиси, мусобақанинг биринчи кун беллашувидаёқ терма жамоамиз ўзининг дастлабки медалига сазовор бўлди. 

Аёллар ўртасида -55 килограмм вазн тоифасида юртимиз шарафини ҳимоя қилган Муаттар Набиева мусобақада 3 та кумуш медални қўлга киритди. Вакиламиз даст кўтаришда 89 кг, силтаб кўтаришда эса 111 килограмм натижа қайд этди. Ҳар бир йўналишда Набиевадан 1 килограммдан юқори кўрсаткичга эга бўлган нигериялик атлет олтин медалларга эгалик қилди.

Шу тариқа вакиламиз Токио Олимпиадаси йўлида қимматли рейтинг очколарига ҳам эга бўлмоқда.

Оғир атлетика бўйича Халқаро бирдамлик мусобақаси.
Аёллар, -55 кг
1. Адижат Оларинойе (Нигерия) – 202 кг (90 кг + 112 кг)
2. Муаттар Набиева (Ўзбекистон) – 200 кг (89 кг + 111)
3. Кристина Шерметова (Туркманистон) – 195 кг (85 кг + 110 кг)