Naiza 50. Уч нафар ҳамюртимизнинг барчаси муддатидан аввал мағлуб бўлди

Қўшни Қозоғистоннинг Олма-Ота шаҳрида жойлашган ADD Arena'да аралаш жанг санъатлари бўйича Naiza 50 мусобақаси ўтказилди.

Афсуски, ушбу мусобақада жанг қилган уч нафар ҳамюртимизнинг уччаласи ҳам рақиблари олдида ожиз қолди. Лазизхон Ўзбеков ва Ҳилола Собировалар чемпионлик жангида қатнашиб мағлуб бўлган бўлса, Амирхон Алихўжаев украиналик рақибига қарши жангда имкониятни бой берди.

Асосий кард:

Аёллар ўртасида ўта енгил вазнда Naiza чемпионлиги учун: Ҳилола Собирова (2-2) — Вероника Борисова (Россия, 5-0) - (2-раундда техник нокаут билан); 

Ўта енгил вазнда Naiza чемпионлик камари учун: Лазизхон Ўзбеков (5-4) — Диас Еренгаипов (Қозоғистон, 14-3) - (4-раундда сабмишен билан).

Прелим кард:

Енгил вазнда: Амирхон Алихўжаев (5-3) — Данил Донченко (Украина, 6-1) - (2-раундда техник нокаут билан).