06 июн 22:01
Янгиликлар

Таэквондо

Нажмиддин Қосимхожиев ва Марат Мавлонов Рим Гран-присида бронза медалларига эга чиқишди

Италиянинг Рим шаҳрида таэквондо WT бўйича G6 таснифидаги нуфузли Гран-при турнирининг иккинчи кунги беллашувлари ўтказилди.

Аҳамиятлиси, терма жамоамиз аъзолари мусобақанинг бугунги куни давомида иккита бронза медалларини қўлга киритишди.

68 кг вазн тоифасидаги вакилимиз, амалдаги Жаҳон чемпиони Нажмиддин Қосимхожиев ҳамда оғир вазнли Марат Мавлонов (+80 кг) турнир ярим финалига қадар етиб борди, бироқ финал чиптаси йўлида россиялик таэквондочиларга имкониятни бой бериб қўйишди.

Шундай бўлса-да, таэквондочиларимиз бронза медалларига сазовор бўлишди.

Рим Гран-присининг эртанги кунида бир нафар таэквондочимиз — Жаҳонгир Худойбердиев даянгга кўтарилади.