Наманганда Жаҳон чемпионати ғолиб ва совриндорлари кутиб олинди

Чемпионатда 13 давлатдан ташриф буюрган спортчилар ўзаро беллашишди. Ўзбекистон миллий терма жамоаси таркибида иштирок этган Наманган шаҳридаги 1-БЎСМ тарбияланувчилари Жавоҳир Ибрагимов ва Абдулло Абдурашидовлар Жаҳон чемпионлигини қўлга киритишди. Асадбек Иномов ва Аброр Маҳмуджоновлар кумуш медалга сазовор бўлган бўлса, Обидхон Абдураҳманов бронза медали соҳибига айланди.

Яккакураш спорт турларига ихтисослаштирилган болалар-ўсмирлар спорт мактаби тарбияланувчилари Шермуҳаммад Муҳаммаджонов ва Асадулло Муҳаммаджоновлар бронза медалини қўлга киритишди. 

Бугун Наманган шаҳар 1-сонли болалар-ўсмирлар спорт мактабида чемпион ва совриндорларни тантанали равишда кутиб олиш маросими бўлиб ўтди. Тадбирда спортчиларнинг ота-оналари, устозлари ва спорт мактаби тарбияланувчилари иштирок этди.