Наманганда “Трофи кубоги” халқаро мусобақаси якунланди

Икки ёш тоифасида ташкил этилган мусобақаларда Ўзбекистон, КХДР ва Таиланд мамлакатларининг U-19 ҳамда U-17 ёшли қизлар терма жамоалари ғолиблик учун майдонга тушишди.

19 ёшгача бўлган қизлар ўртасида ўтган мусобақаларда Ўзбекистон терма жамоаси ғолибликни қўлга киритди. Гарчи илк учрашувда кореялик тенгдошларига кичик фарқ билан имкониятни бой берган бўлса-да, иккинчи учрашувда ҳамюртларимиз 32:27 ҳисобида ғалаба қозонишди ва бош совринни қўлга киритишди.

17 ёшли қизлар мусобақасида эса ҳамюртларимиз Таиланд жамоасига қарши кечган баҳсда омадсизликка учради ва 3-ўрин билан кифояланди. Ушбу ёш тоифасида ғолибликни қўлга киритган Ўзбекистон U-19 терма жамоаси 2020 йилда Францияда бўлиб ўтадиган қитъалараро мусобақада Осиё қитъаси шарафини ҳимоя қилади.

Шуни таъкидлаш керак, мусобақа давомида гандбол бўйича мамлакатимизда фаолият олиб бораётган тренер ва ҳакамлар ҳамда хорижлик меҳмонлар учун Халқаро гандбол федерацияси экспертлари иштирокида семинар-тренинг ҳам ташкил этилди.