15 авг 10:46
Янгиликлар

Ўқ отиш

Наманганлик мерганлар мамлакат кубоги соҳиби

Ўзбекистон мудофаасига кўмаклашувчи “Ватанпарвар” ташкилоти Наманган вилоят кенгаши тасарруфидаги ўқ отиш тирида ёшлар ўртасида пневматик қуролдан ўқ отиш бўйича Ўзбекистон кубоги финал босқичи бўлиб ўтди.

Мусобақада Қорақалпоғистон Республикаси, вилоятлар ва Тошкент шаҳридан 10-18 ёшли 123 нафар ўғил-қиз иштирок этди.

Умумжамоа ҳисобида энг кўп очко жамғарган Наманган вилояти жамоаси мамлакат кубогини қўлга киритди. Тошкент вилояти жамоаси иккинчи ўринни эгаллади, андижонлик мерганлар учинчи ўринга сазовор бўлди.