Наманганлик ўсмирлар Ўзбекистон чемпионатида ғолиб бўлишди

Чемпионатда жами саккизта жамоа 2 гуруҳга бўлинган холада баҳсларга киришишди.

Жамоалар гуруҳларга қуйидагича тақсимланишди:

А груҳи

Наманган вилояти,

Қорақалпоғистон,

Андижон вилояти ,

Тошкент шаҳар 2-БЎСМ,

Б груҳи

Самарқанд вилояти,

Навоий вилояти,

Тошкент шаҳар СЎ ва ЕАИБЎСМ ,

Тошкент вилояти.

Жамоалар гуруҳда 3 тадан ўйин ўтказган ҳолда энг яхши натижа қайд этганлар ярим финал йўлланмасини қўлга киритишди.

Ярим финалда Тошкент шаҳар спорт ўйинлари ва енгил атлетикага ихтисослаштирилган болалар-ўсмирлар спорт мактаби (СЎ ва ЕАИБЎСМ) жамоаси Қорақалпоғистон ўсмирларини 36-22 ҳисобида мағлубиятга учратиб финалга йўл олди.

Иккинчи ярим финал баҳсида эса наманганлик баскетболчилар 33-24 ҳисобида Самарқанд вилояти жамоасини мағлубиятга учратган ҳолда финалга чиқишди.

Финалда эса Тошкент шаҳри ҳамда Наманган вилоятидан келган ёш спортчилар баҳс олиб боришди. Муросасиз ва қизғин кечган финал ўйинида 35-31 ҳисоби билан наманганликларнинг қўли баланд келди.

Учинчи ўрин учун кечган Самарқанд ҳамда Қорақалпоғистон жамоалари ўртасидаги баҳсда 17-15 ҳисоби билан самарқандлик ёшлар учинчи ўринни қўлга киритишди.

Шу тариқа Наманган вилояти жамоаси “Олимпия умидлари” Ўзбекистон чемпионатида тенгсиз деб топилишди.